İQNA-nın (Beynəlxalq Quran Xəbər Agentliyi) “anadolu” xəbər və informasiya portalına istinadla verdiyi xəbərə görə, Rusiyanın baş müftisi və eləcə də Rusiyanın əhli-sünnə müsəlmanlarının rəhbəri Ravil İsmayıloviç Eynuddinov bu ölkədə müsəlmanların sayının 25 milyon olduğunu elan edərək dedi ki, Rusiyada müsəlmanların sayı çoxalmaqda davam edir.
Rusiyanın əhli-sünnə müsəlmanlarının rəhbəri Ravil İsmayıloviç Eynuddinov “anadolu” xəbər agentliyi ilə müsahibəsində dedi: Rusiyada müsəlmanların sayının çoxalmasının iki əsas amili vardır: müsəlmanlar arasında övlad artımı, uşaq sayının çoxluğu və Mərkəzi Asiyadan gələn miqrant və mühacilər.
Ravil İsmayıloviç Eynuddinov əlavə edib: Rusiya müsəlmanların çoxu bu ölkənin Moskva, St. Peterzburq və Yekatirinburq şəhərlərində yaşayırlar.
Rusiyanın baş müftisi və eləcə də Rusiyanın əhli-sünnə müsəlmanlarının rəhbəri vurğuladı: Həmçinin Tatarıstan, Başqırdıstan və Qafqazda yaşayan əhalinin böyük əksəriyyətini müsəlmanlar təşkil edirlər.
Baş müfti İslam dininin Rusiya diyarına gəlməsinin tarixinə işarə edərək dedi: İslam dini miladın 7-ci əsrində (hicrinin birinci əsri) Rusiya ərazisinə daxil olub və müsəlmanların peyğəmbərin (s) vəfatında 22 il sonra rusiyaya gəliblər.