HƏMAS-ın ABŞ və Britaniyanın Yəmənə hücumuna reaksiyası
Fələstin İslami Müqavimət Hərəkatı Həmas ABŞ və İngiltərənin Yəmənə hücumlarına reaksiya verib.
HƏMAS-ın yaydığı bəyanatda, “ABŞ və Britaniyanın Yəmənə qarşı açıq təcavüzünü, hava və dəniz hücumunu şiddətlə qınayırıq. “Biz bu təcavüzü Yəmənin suverenliyinin açıq şəkildə pozulması və ABŞ və Britaniya militarizminin səhnəsi olan regional təhlükəsizliyə təhdid hesab edirik”.
Həmas bəyan edib ki, ABŞ və Britaniyanın məqsədi sionist rejimi dəstəkləmək və onun Fələstin xalqı və bütün ərəb regionuna qarşı cinayətlərini ört-basdır etməkdir.
HƏMAS-ın dərc etdiyi bəyanatda aşağıdakı ifadələr də yer alıb:
“Yəmənə qarşı amansız hücum işğalçı sionist rejim və onun ifratçı liderlərinin iradəsinin təsiri altında həyata keçirilən terror aktıdır. Yəmənə hücumların bölgədə gərginliyi qızışdırmaqdan və gücləndirməkdən başqa bir nəticəsi yoxdur. Bunun nəticələrinə görə də Vaşinqton və London məsuliyyət daşıyır”.
