Səna Böyük Məscidi; Ramazan Quran məclisləri keçirir
"İQNA", xəbər verir ki, Səna Böyük Məscidi müqəddəs Ramazan ayında xüsusi ab-havaya malikdir və başqa sözlə desək, bu qədim İslam binasında Ramazan bayramı fərqli rəng və qoxuya malikdir.
Mübarək ayda oruc tutanlar Səna Məscidində Qurani-Kərimin tilavəti və dini elmlərin öyrədilməsi məclisləri təşkil edir. Bu, müqəddəs ayda müxtəlif dini mərasimlərdə keçirilən məclislərdən əlavədir.
Səna Məscidinin ab-havası Ramazan ayında Yəmənin digər məscidlərindən fərqlidir və onun qapıları səhərdən axşama qədər namaz qılmaq, Quran tilavəti və maarifləndirici dərslər üçün açıqdır. Ramazan ayında bu məscid Quranı xətm etmək üçün şeyxlər və böyüklər arasında yarışın şahidi olur.
Səna Böyük Məscidi Yəməndə tikilmiş ilk məscid və İslamın əvvəlində Quba məscidi və Peyğəmbər (s) məscidindən sonra inşa edilən üçüncü məsciddir ki, bu məscid Həzrət Peyğəmbərin (s) göstərişi ilə tikilmişdir. Buna görə də onun Yəmən məscidləri arasında xüsusi yeri vardır.
Səna Böyük Məscidi özünün uzun tarixi boyu qədim elmi universitet sayılır. Bir çox alim bu universitetdə təhsil alıb, müxtəlif elm və incəsənət sahələrində parlayıb.
4127456
