Kanal 12 yenidən fəaliyyətə başlayır

İki ill fasilədən sonra Türkiyədə şiələrin və Əhli-beyt (ə) dostlarının səsi olan “Kanal12”  peyk televiziya kanalı Azərbaycan və Türk dillərində verlişlərini yayımlayacaq. 

İQNA-nın (Beynəlxalq Quran Xəbər Agentliyi) verdiyi xəbərə gərə, Türkiyədə 15 iyul dövlət çevrilişinə cəhddən sonra tətbiq edilən fövqəladə vəziyyət çərçivəsində hazırlanan 683 nömrəli qərarla 2017-ci ilin yanvar ayından bağlanan "Kanal 12" televiziyası yenidən fəaliyyətə başlayır. 

Maide.Az “on4haber” saytına istinadən xəbər verir ki, iki ill fasilədən sonra Türkiyədə Əhli-beyt (ə) dostlarının səsi olan “Kanal12”  Azərbaycan və Türk dillərində verlişlər yayımlayacaq. 

Əsasən dini məzmunlu proqramlar yayımlayan, Azərbaycan və Türkiyədə maraqla izlənilən telekanalın sabiq baş direktoru Özgünay Gök, Kanal 12-nin yenidən fəaliyyətə başlaması xəbərini təsdiqləyib. 

“Kanal 12 Əhli-beyt (ə) maarifini yayımlamaq üçün xidmət göstərirdi.  Dövlətimizin və millətimizin birliyini və həmrəyliyini həmişə  vurğulayan kanalımızın açılmasını səbirlə gözlədik.  Dövlətimzin sonda kanalın açılması qərarı verməsi sevindircidir.  Əməyi keçən hər kəsə təşəkkür edirik”.