Ang 7-Taong-gulang na Batang Lalaki sa Gaza ay Naging Sertifikado Bilang Isang Hafiz
Katatapos lang niya ng unang baitang sa kanyang paaralang elementarya sa Lungsod ng Gaza. Ang naging tanyag sa maliit na bata sa Gaza ay ang ganap niyang nasaulo ang Banal na Qur’an. Iyan ay higit sa 77,000 na mga salita.
Sa mga larawan sa ibaba, si Rashad, kasama ng kanyang pamilya, ay sinuri ng isang lupon ng relihiyosong mga iskolar na nagpatunay sa kanyang kamangha-manghang tagumpay. Sa isa sa mga larawan, may hawak na karatula ang kapatid na babae ni Rashad na nagsasabing: 'Si Rashad ang pinakamagandang Hafiz'. Hafiz ang tawag sa isang Muslim sino nakasaulo ng buong Qur’an.
Ang Pahayagang Palestine ay nakipag-usap sa ama ni Rashad, si Nimr. Sinabi niya na hinikayat niya ang kanyang anak sa pamamagitan ng paggantimpala sa kanya para sa bawat ilang mga pahina ng Qur’an na kanyang naisaulo. Sa una, ito ay nangangahulugan na si Rashad ay nakakuha ng isang bagong bola sa putbol at iba pang mga laruan. Sa huli, siya ay naging mapagmataas na may-ari ng isang bagong-bagong bisikleta.
Sa kalaunan, gayunpaman, naging masigasig si Rashad sa pag-aaral ng Qur’an sa kanyang sarili. Pinasigla siya ng kanyang mga magulang, mga kapitbahay at mga guro.
Sa kaganapan, na dinaluhan ng isang malaking bilang ng mga dignitaryo at mga iskolar ng Gaza, si Rashad ay nagging sertipikado bilang isang Hafiz, na nakatanggap ng isang espesyal na regalo at kanyang sariling espesyal na kopya ng Qur’an.
